Back

ⓘ Didi Kempot




Didi Kempot
                                     

ⓘ Didi Kempot

Didik Prasetyo atawa nu dipiwanoh Didi Kempot nyaéta penyanyi sarta pencipta lagu campursari jeung congdut ti Surakarta. Didi Kempot téh anak ti Ranto Edi Gudel atawa nu dipiwanoh ku ngaran Mbah Ranto, sarta adi kandung ti pelawak Srimulat Mamiek Pondang atawa nu dipiwanoh Mamiek Prakoso. Lolobana lagu nu diciptakeun ku Didi Kempot miboga makna nyeri haté, ku kituna manéhna miboga landihan Godfather of Broken Heart.

                                     

1.1. Kasang tukang Kahirupan awal

Didi Kempot téh asalna ti kulawarga seniman, Bapakna Ranto Edi Gudel nyaéta tokoh lawak nu kasohor, khususna dina widang sandiwara Jawa atawa ketoprak, sadengkeun indungna Umiyati Siti Nurjanah mangrupakeun sindén di Ngawi, kitu deui lanceukna Mamiek Pondang atawa nu dipiwanoh Mamiek Prakoso mangrupakeun tokoh lawak nu kasohor ngaliwatan grup lawak Srimulat.

                                     

1.2. Kasang tukang Kahirupan pribadi

Didi kawin jeung istri kahijina, Saputri dina taun 1989, manéhna miboga tilu budak, hanjakal ngan dua urang nu bisa salamet dibabarkeun, nyaéta Lintang Ayu Tyas Prastri jeung Siola Putri Reginaresi. Anak sulungna, Lintang, ngantunkeun dina yuswa genep bulan, sadengkeun wanci kakandungan anak katilu, bojona ngalaman kaguguran, ku kituna ngan hiji bayina nu salamet nepi ka kiwari. Dina salah sahiji albumna aya lagu nu judulna Bayi Suci, éta lagu nyaritakeun pangalaman pribadi manéhna wanci kaleungitan dua urang bayi. Kiwari Saputri jeung Siola padumukanna di Desa Majasem, Ngawi, Jawa Wétan.

Didi Kempot kawin jeung istri kaduana nyaéta Yan Vellia dina taun 1997 Didi Kempot jeung Yen Vellia béda umur nepi ka 15 taun, manéhna miboga dua urang budak ti Yan Vellia, nyaéta Saka Praja jeung Seika Zanithaqisya Prasetya. Yen Vellia mangrupakeun penyanyi dangdut asal Semarang, Jawa Tengah. Manéhna kagabung dina grup Orkes Dangdut Ervana 89, salah sahiji grup orkes dangdut nu kakoncara di Solo wanci harita. Didi Kempot kungsi sababaraha kali nyieun lagu sarta nyanyi bareng jeung pamajikan kaduana ieu, nu diantarana lagu Modal Dengkul jeung Perawan Kalimantan. Kiwari Yen Vellia sarta dua budakna padumukan di Banyuanyar, Kecamatan Banjarsari, Kota Solo, Jawa Tengah.

                                     

1.3. Kasang tukang Tilar dunya

Didi Kempot tilar dunya dina tanggal 5 Mei 2020 jam 07.45 WIB dina yuswa 53 taun di Rumah Sakit Kasih Ibu Surakarta kusabab kasakit henti jantung. Manéhna kungsi ngarandapan gering panas sapoé saacanna. Layon Didi Kempot dikurebkeun dina poé harita jam 15:00 WIB di Tempat Pemakaman Umum Desa Majasem, Kecamatan Kendal, Ngawi, Jawa Wétan nu deukeut jeung kuburan budak sulungna.

                                     

2. Karir

Masarakat mikawanoh Didi Kempot salaku Maéstro musik campursari nu geus nyiptakeun mangratus-ratus lagu campursari jeung congdut. Campursari dipilih ku Didi Kempot kulantaran manéhna ngarasa prihatin kusabab dina wanci harita saeutik pisan nonoman nu kairut ku jenis musik éta. Awal karirna dimimitian ti taun 1984 nepi ka 1986 manéhna jadi pangamén jalanan, nu tuluy dina taun 1987 nepi ka taun 1989 manéhna ngarantau ka Jakarta, miharep bisa aya label rékaman nu kairut ku lagu-lagu nu geus diciptakeun manéhna. Ngaran Kempot nu aya tukangeun Didi nu dipaké keur ngaran panggung, nyaéta singgetan tina Kelompok Pengamen Trotoar, salah sahiji ngaran grup pangamén asal Solo. Dina taun 1989, Musica Studios kairut ku lagu-lagu Didi Kempot, dina taun éta manéhna ngamimitian medalkeun album munggaran, lagu nu jadi andelanna nyaéta Cidro.

                                     

3. Kontrovérsi

Loba lagu manéhna kayaning Cidro, Banyu Langit, Suket Teki sarta Pamer Bojo ditongton nepi ka jutaan kali di YouTube. Salian ti éta loba ogé nu nyanyikeun deui atawa nga- cover lagu manéhna. Didi Kempot nyatakeun yén manéhna ngijinan lagu-laguna di nyanyikeun deui ku penyanyi séjén salila penyanyi éta ménta ijin ka manéhna kusabab karya nu dihasilkeun miboga hak ciipta. Manéhna nga umpamakeun penyanyi nu teu ménta ijin kayaning maling nu nyokot hasil karya batur, nepi ka kiwari manéhna can nampa royalti ti hal éta. Didi Kemppot ngarasa dirugikeun ku penyanyi nu geus nganyanyikeun ulang lagu manéhna tapi teu ménta ijin, kusabab nu nyanyikeun deui lagu manéhna meunang royalti sadengkeun Didi henteu narima royalti ti lagu hasil karya manéhna.

                                     

4. Diskografi

Ciri khas

Didi Kempot geus nulis sakitar leuwih ti 700 leuwih judul lagu nu lolobana lagu-lagu éta ditulis dina basa Jawa sangkan miboga téma nyeri haté jeung téma kasedihan. Salian éta, sababaraha lagu nu diciptakeun miboga ciri has dina judul laguna, nyaéta maké sababaraha ngaran tempat, kayaning Stasiun Balapan", "Terminal Tirtonadi", "Kopi Lampung", "Perawan Kalimantan", "Parangtritis", "Pantai Klayar", "Tanjung Perak", "Tanjung Mas Ninggal Janji", "Magelang Nyimpen Janji", "Ademe Kutho Malang", "Kangen Magetan", "Kangen Nickerie". Ideu pikeun lagu éta datang wanci manéhna keur jalan-jalan jeung ngadéngé carita ti masarakat dinya. Manéhna miboga kayakinan, yén sababaraha tempat miboga kenangan sorangan pikeun masing-masing jalma.

                                     
  • Tengah ogé Jakarta. Upami di daerah Sunda aya campursari gaya Bandung. Didi Kempot salah sahiji vokalis campursari di Solo, Doel Sumbang di Bandung. Alat
  • Stasion ieu jadi inspirasi pikeun judul lagu congdut anu diciptakeun ku Didi Kempot nyaéta Stasiun Balapan Stasion ieu dibagi jadi 2 émplasemén, nyaéta
  • Walanda 1821 Napoléon Bonaparte, kaésar Perancis l. 1769 2020 Didi Kempot tukang ngawih campursari l. 1966 Poé Éropa Majelis Éropa Poé Paraji Bidan

Users also searched:

...
...
...