Back

ⓘ Laevistrombus canarium



Laevistrombus canarium
                                     

ⓘ Laevistrombus canarium

Laevistrombus canarium disebut ogé siput gonggong dina basa Malayu. nyaéta sato grastropoda sarupa kéong anu hirup di dasar laut. Di Indonésia, ieu sato jadi ikon khas kapuloan Bangka-Belitung.

                                     

1. Wangun Awak

Ukuran cangkangna gedé, pola spiral nyungcung sedeng, buleud semu nyungcung, awakna kembung, biwir cangkang luar rubak, sisi biwir cangkang luar semu buleud, kanal siphonal pondok pisan.

                                     

2. Sumebarna

Ieu jenis kéong laut téh asalna ti laut basisir sabudeureun wewengkon Indo-Pasifik jeung sumebar lega ti kiduleun India nepi ka Melanesia, tuluy ka kalér nepi ka Ryuku di Jepang, jeung ka kidul ka Queensland, Australia jeung Kalédonia Baru. Spésiés ieu gastropod téh di semenanjung Malaysia umumna kapanggih di Selat Johor jeung wewengkon séjén saperti Pulau Tinggi jeung Pulau Besar, di wétaneun Johor, jeung Port Dickson jeung Teluk Kemang di Negeri Sembilan. Ieu kéong kapanggih ogé di Teluk Kelabat, Bangka.

Ieu kéong hirup dina leutak keusik di dasar laut, di antara alga jeung jukut laut di semenanjung jeung basisir benua.Ieu sato téh dijadikeun kadaharan poko pikeun komunitas pribumi. Iwal ti éta dipaké ogé keur nyieun karajinan saperti hiasan dékoratif, jeung pakakas ngala laut.

Di Riau, ieu sato diolah jadi kadaharan has. Diolahna ngan ukur digodogkeun, tuluy dicocolkeun kana sambel anu has. Kitu deui di wewengkon Jambi, siput gonggong dijadikeun kaolahan.Di Kabupatén Bangka Utara, daging siput ieu biasana digoréng nepi ka garing sarta ngan saeutik diuyahan.

Di sawatara tempat, ieu kéong téh dicobaan pikeun dipiara di luar habitatna, atawa diternak. Sanajan, nepi ka kiwari kakara aya dina tahap ékspériméntal.

                                     

3. Carita Rahayat Folklore

Siput gonggong dicaritakeun dina lalakon "Burung Tang Tut" nyaéta dongéng ti Bangka. Dina éta lalakon, siput gonggong kacaritakeun minangka kadaharan anu beunang ti basisir di deukeur lembur. Di Batam ogé aya lalakon anu di jerona nyaritakeun siput gonggong, minangka sato anu ditéangan pikeun dikumpulkeun dina waktu cai laut surut. Kitu deui di Riau, aya lalakon anu méh sarua nyebut-nyebut siput gonggong.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →