Back

ⓘ Urang Tamil Sri Lanka




Urang Tamil Sri Lanka
                                     

ⓘ Urang Tamil Sri Lanka

Urang Tamil Sri Lanka nyaéta kelompok étnis Tamil anu jadi pangeusi di Sri Lanka. Kelompok étnis ieu mangrupa anu kadua panglobana saenggeus urang Sinhala. Tamil Sri Lanka maké basa Tamil salaku basa sapopoé, tapi kadang ogé maké basa Sinhala jeung basa Inggris. Lobana urang Tamil Sri Lanka nyaéta 10 persén ti jumlah pangeusi di nagara Sri Lanka.

                                     

1. Sajarah

Urang Tamil Sri Lanka mimitina datang ti India Kidul kira-kira abad ka-5 saacan maséhi. Tuluy ngalakukeun asimilasi jeung pangeusi satempat. Lila kalilaan, loba jelema anu datang ka Sailan--ngaran heubeul pulo Sri Lanka--ku sabab pangaruh karajaan Chola asup ka Sailan ti abad kahiji nepi ka puncakna nalika invasi Chola abad ka-11. Tuluy di abad ka-13 Karajaan Jaffna diadegeun ku dinasti Arya Chakaravati ti Karajaan Pandya di tungtung kalér pulo Sailan, karajaan anu misah ti karajaan Tamil anu séjénna di India Kidul.

Karajaan Jaffna ruhag di abad ka-16 nalika Portugis mimiti ngajajah Sailan. Portugis ngawasaan daérah basisir utamana di beulah kulon anu dijadikeun tempat dagang. Portugis ogé mawa agama Katolik ka basisir Sailan anu matak urang Tamil sawaréh aya nu pindah agama ti nu asalna Hindu. Harita, urang Tamil ti India ogé aya anu dibawa ku Portugis ka Sailan. Tuluy, pamaréntahan dibawa alih ku Walanda di abad ka-18. Walanda ngalumakukeun sistem kasta ka urang Tamil di Jaffna anu matak perbudakan aya dimana-mana. Timimiti abad ka-19 nepi ka abad ka-20, Inggris nuluykeun pamaréntahan di Sailan. Harita, loba urang Tamil India anu dibawa pikeun dijadikeun patani téh di daérah Kandy, pagunungan Sailan.

                                     

2. Agama

Lolobana, Urang Tamil Sri Lanka ngagem agama Hindu, kira-kira dalapan puluh persén aliran Saiwa. Salian ti éta, 7 persén sésana di antarana Kristen, utamana Katolik, sanggeus Kerajaan Jaffna taluk ku Portugis. Lolobana urang Tamil anu ngeusian Propinsi Kulon agamana Katolik, sedengkeun anu ti Propinsi Kalér jeung Wétan lolobana ngagem agama Hindu. Sénsus Sri Lanka 2012 nyatet yén jumlah jelema anu ngagem agama Buddha aya 22.254, kurang ti 1% tina jumlah sakabéh pangeusi.

Pamuka agama Hindu, hususna Vellalar, nuturkeun idéologi agama Shaiwa Siddhanta aliran Shaiwa sarta mraktékkeun ajaran Hinduismeu lokal, nyembah ka déwa-déwa lokal anu teu kapanggih dina kitab suci Hindu anu resmi. Tempat ibadahna gumantung kana objék ibadahna. Kuil Hindu yang dipikawanoh minangka Koyil, diwangun luyu jeung kitab suci. Tapi lolobana, kuil teu diwangun luyu jeung kitab suci tapi ngan saukur tempat anu basajan anu ditempatan ku déwa satempat. Di kuil ieu diayakeun ritual puja unggal poéna anu diluuhan ku warga satempat tuluy dipingpin ku hiji pandita, anu disebut Kurukkal.

                                     

3. Konflik

Saenggeus Sailan merdéka ti Inggris di taun 1948, urang Sinhala perang baraya jeung urang Tamil pikeun ngarebutkeun kakuasaan nagara. Ku sabab urang Sinhala ngawasaan babaraha widang, urang Tamil ngabentuk kelompok separatis anu ngaranna Macan Tamil Tiger pikeun ngabentuk nagara Tamil anu misah anu ngawengku Propinsi Kalér jeung Wétan.

Étnis Tamil Sri Lanka geus babaraha kali konflik jeung étnis mayoritas Sinhala. Di taun 1976, dibentuk kelompok militan Pembebasan Macam Tamil Eelam LTTE anu ngabalukarkeun perang baraya Sri Lanka ti taun 1980 nepi ka taun 2009.

Sanajan perang baraya Sri Lanka geus lekasan, tapi diwartakeun yén urang Tamil Sri Lanka masih kénéh kasiksa.