Back

ⓘ Ria Irawan



                                     

ⓘ Ria Irawan

Chandra Ariati Dewi Irawan, atawa leuwih kawentar ku ngaran Ria Irawan, lahir di Jakarta, tanggal 24 Juli 1969, nyaéta saurang artis, béntang sinétron, sutradara ogé panyanyi nu geus ancrub kana dunia hiburan média ti saprak taun tujuh puluhan. Pilem Ria nu kasohor di antarana Biola Tak Berdawai, Lupus, Arisan! jrrd. Dina dunia perpileman Ria hasil meunangkeun sababaraha pangajén, boh di tingkat nasional, ogé di tingkat internasional. Ria tilar dunya dina tanggal 6 Januari taun 2020.

                                     

1. Karir

Ria Irawan nyaéta saurang artis turunan Minang. Lahir minangka anak bungsu tina lima sadulur ti kulawarga artis, bapana Bambang Irawan, saurang aktor, indungna, Ade Irawan, ogé saurang artis. Ria mimiti biluk kana dunia pilem ti umur opat taun, maén dina pilem Sopir Taxi dina peran figuran. Tuluy maén deui di taun 1975 dina pilem Fajar Menyingsing bareng jeung Erwin Gautawa sarta dina pilem Chicha bareng jeung Chicha Kuswoyo.

Ngaran Ria mimiti onjoy di taun 80-an. Peranna dina pilem Kembang Kertas 1984 meunangkeun nominasi artis panghadéna di Piala Citra taun 1985. Taun hareupna Ria dinominasikeun deui pikeun katégori nu sarua pikeun peranna dina pilem Bila Saatnya Tiba 1985. Dina taun 1988, antukna Ria hasil meunangkeun Panghargaan Piala Citra dina katégori pameran pangrojong dina pilem Selamat Tinggal Jeanette 1987, nu dibéntangan ogé ku Mathias Muchus jeung Meriem Bellina. Ria ngunggulan artis-artis petingan dina meunangkeun panghargaan ieu, sainganna teu kurang ti: Nani Wijaya, Rina Hassim, Ira Wibowo jeung Rita Zahara.

Taun 90-an Ria mimiti asup kana dunia sinetron, dimimitian ku sinetron Pelangi di Hatiku 1992-1993 nu dipintonkeun ku RCTI. Taun 1994 Ria meunangkeun Panghargaan FFI pikeun peranna dina sinetron Lika Liku Laki-Laki 1994 minangka Artis Komédi Panghadéna.

Taun 2003 Ria meunangkeun panghargaan Féstival Pilem Asia Pasifik minangka Artis Utama Pangpunjulna dina pilem Biola Tak Berdawai 2003. Dina taun 2006 Ria dinominasikeun dina FFI pikeun katégori Artis Pangrojong Pangpunjulna dina pilem Berbagi Suami 2006, ogé di taun 2015 dina katégori nu sarua pikeun peranna dina pilem Bulan di Atas Kuburan 2015. Ku pilem éta kénéh dina taun nu sarua Ria dileler ku panghargaan Piala Maya minangka Artis Pangrojong Kapilih.

Ria ogé kungsi jadi sutradara jeung panulis skenario. Pilemna dijieun di taun 2016 maké judul Gila Jawa: Illogically Sane.

Sajaba di dunia perpileman, Ria ogé ancrub kana dunia ngawih. Kungsi nyanyi réréongan dina grup Japras bareng jeung panyanyi-panyanyi Ully Artha, Debby Cintia Dewi, Wieke Widowati, Rini S. Bono, Nurul Arifin, Ita Mustafa. Tuluy nyieun rékaman dangdut duét jeung Rano Karno medalkeun album Hiasan Mimpi jeung Sorga Dunia. Ria ogé nyieun album solo Setangkai Anggrek Bulan jeung Di Antara Hatiku Hatimu. Tuluy Ria nyieun deui duét album bareng jeung Melissa, tukang ngawih ti Malaysia.

                                     

2. Kahirupan pribadi

Ria ngadahup ka saurang duda anak dua, Yuma Wiranatakusumah dina tanggal 5 April 1997. Rumah tangga jeung Yuma teu lana, maranéhna ceréy dina bulan Désémber 1999. Méméh kawin ka Yuma, Ria kabéjakeun kungsi deuheus jeung sutradara kakoncara, Rizal Mantovani. Ria kungsi ogé bobogohan jeung Aga Setya dina taun 2002, tapi teu lila, ngan sapuluh bulanan. Cenah, Ria ogé kungsi deukeut jeung sutradara sohor lianna, Jay Subiakto.

Taun 1994 Ria nandangan cocoba nalika babaturanna Rifardi Soekarno alias Aldi maot di imahna, alatan overdosis. Alatan kasus ieu Ria mutuskeun pikeun ngungsi heula ka imah lanceukna, Dewi, di Milan, salila dua taunan, bari sakalian nuluykeun kuliahna. Taun 2005 Ria kabaud deui ku perkara narkoba sarta kudu urusan jeung pulisi, untungna perkarana teu kapapanjangan.

Taun 2009 Ria nandangan cocoba deui, gangguan dina rahimna kadieunakeun katohian alatan kanker. Ria méakkeun waragad gedé pikeun tatamba, nepi ka leuwih ti samiliarna. Kajaba ti éta manéhna kapaksa reureuh heula tina dunia peran. Taun 2017 Ria dinyatakeun cageur tina panyakitna sarta mimiti ancrub deui kana dunia pilem.

Taun 2016, pernahna tanggal 23 Désémber, Ria rarabi ka Mayky Wungkar. Mayky téh asistén pribadi Ria nu geus digawé bareng Ria salila 11 taun. Umur Myaky 12 taun leuwih ngora batan Ria.

                                     

3. Tilar dunya

Bulan Séptémber 2019, Ria asup ka Rumah Sakit Cipto Mangunkusumo RSCM alatan panyakit kanker kelenjar geutah weningna kambuh deui. Bulan Nopémber Ria dirawat deui di RSCM. Antukna dina tanggal 6 Januari 2020 Ria mulih kajati mulang ka asal, masih di RSCM, dina umur 50 taun.

Ria dikurebkeun di TPU Tanah Kusir, Jakarta Kidul dina poé éta kénéh. Sabelas poé sadikantunna ku Ria, dina tanggal 17 Januari 2020, ibuna Ria, Adé Irawan, nyusul Ria mulih kajati dina umur 82 taun.

                                     

4.1. Filmographi Film

  • Romantini 2013
  • Nakalnya Anak-Anak 1980
  • Janji Joni 2005 / kaméo
  • 9 Summers 10 Autumns / Bu Agus
  • Bila Saatnya Tiba 1985
  • Fajar Menyingsing 1975 / Ria
  • Arisan! 2 2011 / Yayuk Asmara
  • Cinta Abadi 1976 / Leila
  • Gejolak Kawula Muda 1985
  • Belahan Jiwa 2005 / Halimah
  • Sekretaris 1991 / Tin
  • Berbagi Suami 2006 / Sri
  • Anak-Anak Gass. 1988 / Nana
  • Ira Maya Si Anak Tiri 1979
  • Jangan Ambil Nyawaku 1981
  • Ibunda 1986 / Fitri
  • Soekarno: Indonesia Merdeka 2013 / PSK
  • Lupus 1987 / Lulu
  • Tabir Biru 1993 / Maya
  • Sopir Taksi 1973 / Figuran
  • Impian Kemarau 2004
  • Selamat Tinggal Jeanette 1987 / Trimah
  • Kembang Kertas 1984 / Ani
  • May 2008
  • Cinta Setaman 2008 / Lastri
  • Cinlok 2008 / Tika
  • Quickie Express 2007 / Tante Guru
  • Ira Maya dan Kakek Ateng 1979
  • Mutiara di Khatulistiwa 1990 / Deilira
  • Koboy Kampus / Indungna Nia
  • Chicha 1976
  • Bumi Itu Bulat 2019 / Farah
  • Adikku Kekasihku 1989 / Shella
  • Wedding Agreement 2019 / Bude
  • Madame X 2010 / Bibi Yance
  • Mecca, Im Coming 2020 / Bu Ramah
  • Bulan di Atas Kuburan 2015 / Minar
  • Dari Mata Turun ke Hati 1979
  • Kuambil Lagi Hatiku 2019 / Dewi
  • Hotel Vladivostok 2006 pilem pondok / Saurang Awéwé
  • Lupus II 1987 / Lulu
  • Sang Dewi 2007
  • Peluk Daku dan Lepaskan 1991 / Denok
  • Darna Ajaib 1980 / Maria keur leutik
  • Mantan Manten 2019 / Imelda
  • Arisan! 2003 / Yayuk Asmara
  • Siulan Rahasia 1977 / Tini
  • Biola Tak Berdawai 2003 / Renjani
  • Jamila dan Sang Presiden 2009 / Susi
  • Ai Lop Yu Pul 2009 / kaméo
  • Suami 1988
  • Istriku Sayang Istriku Malang 1977


                                     

4.2. Filmographi Sinétron

  • Juna Cinta Juni 2013
  • Iman 2005
  • Lika Liku Laki 1994
  • Jagoan Silat 2012
  • Bidadari yang Terluka 1997
  • Tante Tuti 2005
  • Pelangi di Hatiku 1992
  • Rahasia Ilahi 2004
  • Khayalan Tingkat Tinggi 2005
  • Segalanya Cinta 2012
  • Bunga Malam 2006
                                     

5. Kawih

  • Hatiku Bagai Tertusuk Duri
  • Cahaya Ilahi Duet jeung Opick Billboard Indonesia/Purnama Record format VCD Januari 2015
  • Setangkai Bunga Anggrek Duét jeung Rano Karno
  • Hatiku Hatimu Duét jeung Rano Karno
                                     

6. Pangajén

  • Nominasi Artis Pangrojong Indonesia Movie Award IMA 2007 / Berbagi Suami
  • Pinunjul Artis Pangrojong FFI 1988 / Selamat Tinggal Jeanette
  • Pinunjul Artis Féstival Film Asia Pasifik 2003 / Biola tak Berdawai
  • Pinunjul Artis Télévisi Utama Komédi FFI 1994 / Lika Liku Laki
  • Nominasi Artis Paling Favorit MTV Indonesia Movie Awards 2004 / Biola tak Berdawai
  • Pinunjul Artis Pangrojong Paling Favorit MTV Indonesia Movie Awards 2006 / Berbagi Suami
  • Pinunjul Artis Peran Pangrojong Maya Awards 2015 / Bulan di Atas Kuburan
  • Pinunjul Artis Televisi Utama FFI / Piala Vidia 2004 / Rahasia Ilahi
  • Pinunjul Artis Pangrojong IMA 2016 / Bulan di Atas Kuburan
  • Nominasi Artis Pangrojong Festival Film Indonesia 1985 & 1986 / Kembang Kertas & Bila Saatnya Tiba
  • Nominasi Artis Pangrojong Favorit IMA 2007 / Berbagi Suami
  • Pinunjul Artis Pangrojong FFI 2006 / Berbagi Suami
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →