Back

ⓘ Stasion Karawang



Stasion Karawang
                                     

ⓘ Stasion Karawang

Stasion Karawang nyaéta stasion karéta api kelas I anu perenahna di Nagasari, Karawang Barat, Karawang. Stasion anu aya dina tingkat kaluhuran +16 m ieu kaasup ka Daérah Operasi I Jakarta. Stasion ieu miboga opat jalur kalawan jalur 2 jeung 3 minangka jalur lurus.

                                     

1. Sajarah

Mimitina stasion ini mangrupa tutuluyan ti jalur karéta api Jakarta–Kedunggedéh anu geus diwangun ku Bataviasche Oosterspoorweg Maatschappij BOS di taun 1887. Ti saprak jalur ieu diambil alih ku Staatsspoorwegen SS di tanggal 4 Agustus 1898, SS tuluy ngawangun stasion anyar di Kota Karawang. Ngan jalur ti Karawang ieu kakara dibuka tanggal 2 Méi 1906 lantaran pangwangunan kakara dilakukeun sabada BOS diakuisisi.

Kamekaran stasion ieu dicatet ku De Stoomtractie op Java en Sumatra karya J.J.G. Oegema di taun 1982. Trém Karawang mimiti diinisiasi di taun 1911 kalawan lébar sepur 600 mm ku SS. Sanajan teu loba anu ngabahas jalur trem ieu, verslag anu dijieun SS nyaritakeun yén jalur trem ieu kabagi dua bagian, nyaéta Cikampék–Wadas, diresmikeun di tanggal 15 Juli 1912 jeung Lamaran–Wadas, diresmikeun di tanggal 9 Pébruari 1920. Ti Lamaran tuluy dijieun jalur trém cabang nepi ka Réngasdengklok di tanggal 15 Juni 1919.

Ngan jalur ieu dinonaktipkeun di taun 1981–1984 lantaran éléh saing jeung mobil pribadi atawa angkutan umum, sarta aksés ka stasion anu leuwih babari sanajan teu kudu naék trém.

                                     

2. Layanan karéta api

Kelas campuran éksekutip-ékonomi AC plus

Singasari, jurusan Jakarta jeung jurusan Blitar liwat Cirebon-Purwokerto-Yogyakarta-Madiun

Kelas ékonomi AC plus

Jayabaya, jurusan Jakarta jeung jurusan Malang liwat Cirebon-Tegal-Semarang-Bojonegoro-Surabaya kadang ditambahan kelas éksekutip

Lokal ékonomi AC

  • Jatiluhur/Lokal CKP, jurusan Jakarta jeung jurusan Cikampék
  • Walahar Éksprés/Lokal PWK, jurusan Purwakarta
  • Cilamaya Éksprés/Lokal PWK, jurusan Jakarta
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →