Back

ⓘ Badori




Badori
                                     

ⓘ Badori

Badori ; Widuri nyaéta tangkal anu asalna ti kulawarga Apocynaceae. Badori loba kapanggih hirup ngarungkun di daérah anu usum halodona panjang, saperti tegalan garing, lamping gunung, jeung basisir laut. Jangkungna 0.5–3 mm, tangkalna buleud, kandel, dahan anu ngorana baruluan kandel jeung bodas.

Dauna hiji, lonyod kawas endog, panjang 8-30 cm, rubakna 4–15 cm, kelirna héjo ngora, cupatna pondok, bijil tina dahan pasanghareup-sanghareup. Bisa dipelak ku jalan di tancebkeun dahanna atawa di bungbun sikina.

Disabaraha daérah badori sok disebut ogé:

  • Jawa: babakoan, badori, biduri, widuri, saduri, sidoguri, bidhuri, burigha.
  • Sulawesi: rambega.
  • Bali: Manori, maduri.
  • Nusa Tenggara: muduri, rembiga, kore, krokoh, kolonsusu, modo kapuk, modo kampuk.
  • Sumatera: rubik, biduri, lembega, rembega, rumbigo.
                                     

1. Mangpaat

Badori mibanda kandungan kimia dina daun badori kayaning: saponin, flavonoid, polifeol, glukosida kalotropin, damar saeutik, alban, jeung fluavil. Kulit akarna pait, astringen, jeung ekspektoran. Mangpaatna:

  • Kembangna dimangpaatkeun pikeun ngubaran: gangguan padaharan, salesma, batuk, kiih nanah, jeung sajabana.
  • Dauna dimangpaatkeun pikeun ngubaran: hapur, arateul ku lantaran cacar varicella, campak measles, galingging, jeung batuk.
  • Kulit akarna dimangpaatkeun pikeun ngubaran: galingging, bunghak, carangkeul suku, dipacok oray, borok, jeung panyakit kulit sejen.
  • Geutah dimangpaatkeun pikeun: bisul, eksim, raheut, nyeuri huntu, jeung sajabana.

Users also searched:

...