Back

ⓘ Babasaran




Babasaran
                                     

ⓘ Babasaran

Babasaran ; mulberry tree nyaéta hiji tangkal anu asalna ti kulawarga moraceae genusna morus, spesies aslina datang ti Asia. Babasaran bisa hirup dina sagala iklim Tropis 24-29°c, pH taneuh 5.0-9.0, kalawan cukup mibanda irigasi pikeun kaperluan nyébor.

Jangkung tangkalna bisa nepika 10 méter, mimiti dipelak tangkalna gancang sirungan tur ngagedéan. Dauna héjo, tungtungna rérégéan, panjang cupatna kurang leuwih sapuluh cénti. Buahna ngumpul dina sacupat, laleutik kawas endog kéong, panjangna 2-3cénti. Kelirna héjo mangsa keur ngora, tuluy robah jadi beureum semu beureum ati mangsa geus asak atawa kolot ieu buahna ogé bisa didahar.

Melakeun tangkal babasaran mah kawilang énténg, dahan penang nigas tiban dicecebkeun kana taneuh jerona kurang leuwih sajeungkal, tara kungsi lila sok geuwat bijil sirung. Loba ngahaja dipelak pikeun pager hirup atawa wates taneuh. Daun babasaran geus loba dimangpaatkeun pikeun rupa-rupa ubar jeung kosmetik.

                                     

1. Mangpaat

  • Dauna beunang ngabebek dimangpaatkeun pikeun antioksidan, alatan mibanda phenolic sarta metanol
  • Diimangpaatkeun pikeun ngubaran diabetes
  • Mangrupa parab pikeun maraban hileud sutra.