Back

ⓘ Kota Bandung




Kota Bandung
                                     

ⓘ Kota Bandung

Kota Bandung mangrupa ibukota propinsi Jawa Kulon, Indonésia. Aya di dataran luhur plateau 768 méter di luhureun laut, di daérah kalér luhurna nyaéta ±1050 msl, di belah kidul luhurna nyaéta ±675 msl, ti kordinat 107° BW jeung 6° 55’ LK, lega kota Bandung ± 16.767 héktar, dikurilingan ku pagunungan, mangrupa cekungan sésa situ Bandung anu kawangun alatan bituna Gunung Sunda, jumlah pangeusina kurang leuwih 2.1 juta jiwa. Kabupatén Bandung mangrupa daérah "sub-urban" disagédéngeun Kota Bandung.

                                     

1. Sajarah

Taun 1488, wewengkon nu kiwari disebut Bandung téh mangrupa wewengkon kakawasaan karajaan Sunda-Pajajaran. Dina mangsa dijajah Walanda, pamaréntah kolonial Hindia-Walanda nyieun jalan pikeun nyambungkeun Batavia kiwari Jakarta, Bogor, Cianjur, Bandung, Sumedang, jeung Cirebon. Hal ieu penting pikeun mekarna Kota Bandung. Malah pamaréntah jajahan geus ngarencanakeun yén wewengkon Bandung téh rék dijadikeun puseur pamaréntahan Hindia-Walanda, ngan teu jadi alatan kajadian Perang Dunya II. Can aya panalungtikan kumaha dijieuna kota Bandung. Nu jelas, kota ieu diwangun lain dumasar paréntah Daendels gubernur jéndral Hindia-Walanda. Kota Bandung diwangun dumasar paréntah Bupati R.A.A. Wiranatakusumah II. Sanggeus Indonésia merdika, Bandung jadi ibukota propinsi Jawa Barat.

Ngaran Bandung

Aya rupa-rupa pamadegan ngeunaanngaran Bandung, di antarana saperti kieu.

  • Istilah bandung aya nu nyebutkeun tina bendung, nyaéta Citarum Purba nu kabendung.
  • Dina peta Fr. Valentjn 1726 ngaran Bandung lokasina di kiduleun Gegerkalong ayeuna.
  • Kecap bandung téh tina kecap Banong, di Dago, tempat Andres de Wilde ngabangun vilana di awal abad XIX.
  • Ceuk Atma, sesepuh Dayeuhkolot, Bandung téh tina leuwi Bandung, leuwi nu aya di walungan Citarum; Pandi, urut sipir bui Banceuy, nyebutkeun asal kecapna tina Sumur Bandung, dua sumur nu aya di sisi Cikapundung di alun-alun jeung PLN ayeuna. Ceuk dongéng, di éta sumur téh aya karaton Putri Kentring Manik jeung dulurna Eyang Dipayasa.
  • Tina katerangan Ibu Wiranatakusumah istri Dalem Haji RHAA Wiranatakusumah V, ngaran Bandung disebut ku Bupati Wiranatakusumah II basa néangan lokasi anyar pikeun ibu kota kabupatén. Ngaranna dicokot tina parahu bandung, nyaéta dua parahu anu dihijikeun, ditalian pagigir-gigir. Eta parahu téh digunakeun ku Wiranatakusumah II pikeun lalayaran di Citarum.
  • Ngaran Bandung minangka kabupatén ditulis dina peraturan tanggal 18 Lentemaand 1811 18 Maret 1811, patali jeung parentah Gubernur Jénderal Daendéls pikeun meuli sato piaraan pikeun cadangan nyanghareupan serbuan tentara Inggris ka Pulau Jawa.
                                     

2. Geografis

Bandung katelah dilingkung ku gunung, ku kituna wangun morfologi wilayahna katinggal sapertos cekungan atawa mangkok raksasa. Sacara geografis dataran Bandung aya di ±768 meter di luhur permukaan laut, kalawan titik pangluhurna di 1.050 meter sarta panghandapna di 675 meter.

                                     

3. Ciri lemah

Bandung kawentar ku lobana wangunan warisan arsitéktur Walanda:

  • Gedung Pakuan, kiwari dipaké rumah dines Gubernur Jawa Barat
  • Museum Géologi Bandung
  • sababaraha wangunan heubeul di Jalan Braga
  • Gedung UPI Villa Isola
  • Hotél Savoy Homann di Jalan Asia-Afrika
  • Gedong Saté, kiwari dipaké salaku kantor Gubernur Jawa Barat.
  • Gedung Dwi Warna
  • Gedung Yayasan Pusat Kebudayaan
  • Gedung Merdéka, wangunan historis tempat lumangsungna Konperénsi Asia Afrika taun 1955

Ciri séjén:

  • Masjid Agung Bandung, di alun-alun Bandung
  • Babakan Siliwangi
                                     

4. Transportasi

Sarana transportasi utama di Bandung nyaéta angkot angkutan kota kalawan rute-rute anu geus tangtu. Aya ogé taksi anu jumlahna kiwari beuki loba, tapi éta ogé henteu populér. Beus nyadiakeun rute transportasi pikeun di jalan gedé tur jarakna anu jauh.

Jalan karéta api ngahubungkeun Bandung ka Jakarta jeung Cianjur ka beulah kulonna, sarta Tasikmalaya, Yogyakarta jeung Surabaya ka beulah wétanna. Karéta ogé mangrupa transportasi utama pikeun wilayah tatangga kaasup Cimahi, Padalarang, Rancaékék jeung Cicaléngka nu perlu bulak-balik ka Bandung unggal poéna. Bandara utama di Bandung nyaéta Bandar Udara Internasional Huséin Sastranegara, nyadiakeun penerbangan ka kota-kota gedé di Indonésia. Sasak Pasupati diwangun pikeun ngahubungkeun beulah kulon jeung beulah wétan Bandung ngaliwatan lembah Cikapundung. Panjangna 2.8 km kalayan lébar 30-60 méter.

Aya dua stasion karéta api utama di Kota Bandung, nyaéta Stasion Bandung pikeun karéta api éksekutip jeung bisnis, sarta Stasion Kiaracondong pikeun karéta api ékonomi. Salian ti éta, aya stasion-stasion leutik anu ngalayanan KA lokal Bandung Raya, saperti Cimindi, Ciroyom jeung Cikudapateuh. Tuluy aya stasion husus peti kemas barang, nyaéta Stasion Gedébagé.

Jalan tol Padaleunyi ngahubungkeun Padalarang, Cimahi, beulah kidul Bandung jeung Cileunyi. Jalan tol nu ngahubungkun Padalarang jeung Purwakarta ogé geus bérés diwangun, disebut Cipularang Cikampék-Purwakarta-Padalarang nu mangrupa jalan panggancangna nuju ka Jakarta. Jalan tol Cileunyi-Sumedang-Dawuan ogé kiwari eukeur diwangun.



                                     

5. Atikan

Di Kota Bandung loba tempat pendidikan nu geus kasohor di antarana nyaéta:

Iwal ti éta aya ogé SMA nu baris dipidangkeun daptar ngaran sakola di Bandung saperti ieu di handap:

                                     

6. Wisata jeung Ékonomi

Bandung jeung sabudeureunnana boga wisata nu lobq, di antarana:

  • Waduk Jatiluhur di Kabupatén Purwakarta
  • Lémbang
  • Saung Pak Udjo
  • Maribaya
  • Gunung Tangkuban Parahu di beulah kaléreun kota.

Bandung ogé kasohor ku outlet pakéannana, nu ngirut pangunjung ti kota-kota sabudeureunnana hususna ti Jakarta, utamana nalika ahir minggu jeung poé libur:

  • Outlet industri pakéan Denim di sapanjang Jalan Cihampelas
  • Aya ogé industri sapatu di Cibaduyut, beulah kidul Bandung.
  • Bandung ogé kasohor ku industri garménna, produk nu teu kaékspor dijula kalawan harga anu leuwih murah di factory outlet di Bandung, hususna di Jalan Ir. H. Juanda Dago jeung Jalan R.E. Martadinata Riau
  • Kiwari, kasohor minangka "Kota Wisata Balanja", sabab loba Factory Outlet nu ngajual produk garmén ex-export.

Loba kadaharan di Bandung. Bandung ogé kasohor ku dahareun hasna, saperti peuyeum. Bandung ngirut loba wisatawan ti Jakarta, nu kadang-kadang ngalantarankeun kamacétan lalu- lintas. Pangpangna nalika sakabéh warga Jakarta keur liburan alatan APEC Convention, lalu-lintas di Bandung macét total leuwih ti 8 jam.



                                     
  • Kota Cimahi nyaéta hiji kota di Propinsi Jawa Barat, Indonésia. Kota ieu aya di kuloneun Kota Bandung Cimahi baheulana kaasup Kabupatén Bandung nu satuluyna
  • Bandung Kulon nyaéta salah sahiji kacamatan di Kota Bandung Propinsi Jawa Kulon, Indonésia.
  • Astanaanyar nyaéta salah sahiji kacamatan di Kota Bandung Propinsi Jawa Kulon, Indonésia.
  • Kiaracondong nyaéta salah sahiji kacamatan di Kota Bandung Propinsi Jawa Barat Indonésia.
  • Garut di beulah wétan kidul, Kota Bandung di beulah kulon kalér, sarta Kabupatén Bandung Kulon di beulah kulon. Kabupatén Bandung ngawengku 31 kacamatan, nu
  • Babakan Ciparay nyaéta salah sahiji kacamatan di Kota Bandung Propinsi Jawa Kulon, Indonésia.
  • Bojong Loa Kidul nyaéta salah sahiji kacamatan di Kota Bandung Propinsi Jawa Kulon, Indonésia.
  • Bojongloa Kalér nyaéta salah sahiji kacamatan di Kota Bandung Propinsi Jawa Kulon, Indonésia.
  • Ujungberung nyaéta salah sahiji kacamatan di Kota Bandung Propinsi Jawa Barat Indonésia.
  • Cibiru nyaéta salah sahiji kacamatan di Kota Bandung Propinsi Jawa Kulon, Indonésia.
  • Batununggal nyaéta salah sahiji kacamatan di Kota Bandung Propinsi Jawa Kulon, Indonésia.

Users also searched:

...
...
...