Back

ⓘ Ciliata




Ciliata
                                     

ⓘ Ciliata

Ciliata atawa Ciliophora nu hartina obah maké silia. Ciliata disebut ogé infusoria sabab sato ieu bisa kapanggih di tempat cai urut pamiceunan atawa kocoran.

                                     

1. Ciri Ciliata

Silia kapanggih di sakabéh sél atawa ngan di bagéan anu tangtu. Iwal pungsina pikeun gerak, silia ogé disebut minangka alat bantu dahar. Silia mantuan gerak dahareun ka bagéan sitostoma. Kadaharan nu kakumpul du sitostoma bakal diteruskeun ka jero sitofaring tikoro sél. Lamun geus pinuh, kadaharan bakal asup ka sitoplasma kalawan bentuk vakuola kadaharan.

Sél ciliata mibanda ciri husus nyaéta mibanda dua inti; makronukléus jeung mikronukléus. Makronukléus luyu jeung ngaranna, boga ukuran leuwih gedé batan mikronukléus. Makronukléus boga fungsi végétatif nyaéta pikeun prosés tumuwuhna. Mikronukléus mibanda fungsi réproduktif, nyaéta konjugasi. Ciliata ogé mibanda trikokis anu fungsina pikeun mertahankeun diri tina musuh. Ciliata hirup bébas di daérah lembab leuwih ka baseuh boh cai tawar atawa laut. Ciliata ogé hirup di jero sato séjén sacara simbiosis atawa parasit. Ciliata nu hirup bébas di alam contona Paramecium caudatum, Didinium, Stentor, Balantidium, jeung Vorticella. Rupa séjéna hirup ku cara simbiosis di jero beuteung sato nu ngadahar jukut sarta boga pungsi mantuan nyerna sélulosa anu aya di jukut. Ngan saeutik CIliata anu hirup jadi parasit. salah sahijina nyaéta Balantidium coli. Ciliata ieu hirup dina usus badag sato atawa manusa jeung ngalantarankeun diaré balantidiosis.

Ciliata réproduksi sacara aséksual jeung séksual. Réproduksi aséksual, ku cara meulah biner membujur "transversal". Réproduksi séksual dilakukan kalawan konjugasi.

                                     

2. Spésiés-spésiés Ciliata

Spésiés tina Ciliata bisa ditataan saperti ieu di handap:

  • Balantidium Coli, hirup di usus badag manusa, ngalantarankeun panyakit diséntri.
  • Didinium, hirup di cai tawar bentukna siga kékéncéng, mibanda silia di biwirna, boga peran salaku prédator paramécium.
  • Sténtor, hirup di cai tawar bentukna siga loncéng sarta mibanda silia di biwirna.
  • Vorticella, hirup di cai tawar bentukna siga tarompét mibanda silia di biwirna.
  • Stylonichia mirip siga paramécium. mibanda silia ngagomplok disebut sirus nu bentukna siga cucuk. Hirup di cai nu loba sampah organik.
                                     
  • Kaceprek Ki leuleu eur Dysosmia ciliata nyaéta hiji tutuwuhan anu asalna tina kulawarga Passifloraceae. Buahna katutupan ku kelopak kembangna anu ngagedéan

Users also searched:

...