Back

ⓘ Haji Abdul Malik Karim Amrullah




Haji Abdul Malik Karim Amrullah
                                     

ⓘ Haji Abdul Malik Karim Amrullah

Haji Abdul Malik Karim Amrullah atawa anu leuwih dikenal HAMKA, nyaéta Sastrawan Indonesia, Ulama, jeung Aktivis Politik. Anjeunna di béré sebatan Buya, nyaéta sebatan pikeun urang Minangkabau nu asalna tina kecap Abi, atawa Abu dina basa Arab nu hartina bapa, atawa jelma anu dipikahormat. Bapana nyaéta Syéh Abdul Karim bin Amrullah, anu mangrupa tokoh gerakan Islam di Minangkabau, sabalikna ti Mekah taun 1906.

                                     

1. Kasang Tukang

HAMKA meunang pendidikan rendah di Sakola Dasar Maninjau nepi ka kelas 2. Nalika HAMKA 10 taun, bapana ngadegkeun Sumatera Thawalib di Padang Panjang. di dinya HAMKA diajar agama jeung neuleuman basa Arab.

HAMKA mimitina gawé sabagé guru agama dina taun 1927 di Perkebunan Tebing Tinggi, Médan ogé di Padang panjang dina taun 1929. HAMKA dilantik jadi dosén di Universitas Islam, Jakarta jeung Universitas Muhammadiyah, Padang Panjang ti taun 1957 nepi taun 1958. Sabada éta, anjeunna diangkat jadi Réktor Paguron luhur Islam, Jakarta jeung Profésor Universitas Mustopo, Jakarta.