Back

ⓘ Basisir Apra




                                     

ⓘ Basisir Apra

Basisir Apra nyaéta salah sahiji basisir anu aya di pakidulan Kabupatén Cianjur. Perenahna di kacamatan Sindangbarang, jarakna kira-kira 115 Km ti puseur kota Cianjur.

Di ieu basisir rupa-rupa kagiatan bisa dipilampah kayaning ngojay, moyan, ngalakukeun olah raga basisir, ningali pamandangan, jeung ngalakukeun kagiatan fotografi. Alatan legana aréal keusik basisirna jeung angin anu lumayan tarik, ngajadikeun ieu basisir téh cocog pikeun kagiatan féstival langlayangan jeung kagiatan lianna kayaning Voli Pantai.

Basisir Apra mibanda ajén sajarah sorangan, dina hal jadi saksi sajarah baruntakna Angkatan Perang Ratu Adil APRA dina awal mangsa kamerdékaan Indonésia. Komo numutkeun béja pabéja-béja mah di ieu wewengkon basisir téh aya bénténg. Basisir apra ogé midanda poténsi sumber daya alam anu pohara gedéna mangrupa keusik beusi. Kualitas keusik beusi ani aya di ieu basisir kawilang hadém matak narik invéstor pikeun melakkeun modalna.

Unggal pakansi ahir taun, ieu basisir téh sok jadi tujuan utama wisata wewengkon basisir pakidulan. Numutkeun cutatan bagian rétribusi basisir Apra, sahenteuna kandaraan roda dua anu datang dina peuting ganti taun 2009-2010 tanggal 1 Januari 2010 ngahontal 2000 kandaraan roda dua. Ana pon kandaraan roda opat ngahontal 500 unit. Ieu kajadian langka unggal ganti taun di wewengkon ieu téh jadi lahan pikeun ngadatangkeun rejeki keur warga.

                                     
  • salah sahiji basisir di wewengkon Pakidulan Cianjur kadang - kadang dilaksanakeun di Basisir Apra Basisir Sérég, Basisir Jayanti atawa di Basisir Batu Kukumbung
  • wewengkon basisir Apra Sindangbarang, Kabupatén Cianjur. Dina éta mangsa, urang Sindangbarang biasana ngaleut ka muhara walungan di basisir pikeun ngala
  • Saganten, Kec Sidang Barang mangrupikeun désa nu caket saraung basisir nyaéta : Pantai APRA sareng Pantai Sereg, lamun lebaran mah mani rame pisan nu daratang

Users also searched:

...