Back

ⓘ Insidén vampir Mercy Brown




Insidén vampir Mercy Brown
                                     

ⓘ Insidén vampir Mercy Brown

Insidén vampir Mercy Brown, nu lumangsung dina 1892, nyaéta salah sahiji kasus kondang ngeunaan pangalian mayat nu diduga vampir.

Di Exeter, Rhode Island, kulawarga Géorge jeung Mary Brown mibanda saruntuyan inféksi tuberkulosis dina ahir abad ka-19. Wanci éta, tuberkulosis disebut "panyakit paru-paru" jeung mangrupa panyakit nu maotkeun jeung nyingsieuneun.

Sang indung, Mary, mangrupa nu kahiji maot akibat panyakit éta, dimiluan dina taun 1888 ku murangkalih awéwé cikalna, Mary Olive. Dua taun saterusna, dina 1890, putrana, Edwin, ogé nuju teu damang.

Dina taun 1891, murangkalih nu lian, Mercy, mibanda panyakit éta jeung maot dina Januari 1892. Dia dikubur di pamakaman Garéja Baptis di Exeter.

Réréncangan jeung tatanggi percaya yén salah sahiji anggota kulawarga téh vampir jeung nyababkeun Edwin geuring. Hal ieu cocog jeung kapercayaan yén ralobana maot dina hiji kulawarga diakibatkeun ku aktivitas jurig. Panyakit paru-paru wanci éta kirang dipahaman jeung dipatalikeun jeung mitos.

Géorge Brown diolo sangkan ngali makam kuluwargana. Anjeunna ngalaksanakeunna kalawan dibantos ku sababaraha wargi dina 17 Maret 1892. Mayat Mary jeung Mary Olive katinggal aya paburukan tapi mayat Mercy méh teu robih jeung aya getih di jajantungna. Ieu ngakibatkeun para wargi nganggap yén Mercy téh vampir jeung nyababkan panyakit Edwin. Padahal, hawa New England nu tiis ngajadikeun taneuhna hésé ditembus, janten mayat Mercy lila burukna.

Jajantung Mercy dicandak, diduruk, jeung lebuna dicampur jeung cai. Cai campuran étu teras dileueutkeun ka Edwin, nu maot dua bulan saterasna.

                                     

1. Sastra

Insidén Mercy Brown minangka inspirasi ka Caitlín R. Kiernan pikeun carita pondokna, "So Runs the World Away." Kasus étu ogé disebutkeun dina "The Shunned House" karangan H.P. Lovecraft.

                                     

2. Réferénsi

  • Bell, Michael E. 2001. Food for the Dead - On the Trail of New Englands Vampires. New York: Carrol & Graf Publishers. p. 338 pages. ISBN 0-7867-089909.
  • Connecticut Public Television. Vampires in New England TV Documentary.