Back

ⓘ Qatar



Qatar
                                     

ⓘ Qatar

Nagara Qatar atawa دولة قطر dina basa Arab nyaéta hiji émirat di Wétan Tengah nu aya di hiji bojong leutik di Jazirah Arab. Watesna di kidul nyaéta Arab Saudi jeung sésana diwatesan ku Teluk Pérsia.

                                     

1. Sajarah

Sanggeus dominasi Inggris jeung Kasultanan Utsmaniyah di Qatar, ahirna Qatar jadi nagara nu merdéka dina 3 Séptémber 1971. Baheula, Inggris ngawasaan Qatar sabagé tempat transit kapal dagang saméméh nuju ka India. Qatar teras miboga status salaku depénden ti Inggris, teras status protéktorat Inggris nu dihentian dina taun 1916.

Sanggeus Perang Dunya Kadua, Qatar rék miboga kamerdékaan, utamana sanggeus India miboga kamerdékaanna dina taun 1950-an. Qatar teras gencar sanggeus Inggris méré kamerdékaan ka Kuwait dina taun 1961. Pamaréntah Inggris nyebutkeun rék ngeureunan pangawasaan politik tapi tetep neruskeun pangawasaan ékonomi di Qatar. Hal ieu teu diingkeun ku Qatar nu satuluyna ngawangun Féderasi Arab Teluk babarengan jeung Bahrain.

                                     

2. Ékonomi

Awalna, ékonomi Qatar difokuskeun kana kalaukan jeung mutiara tapi industri mutiara ancur sanggeus mucunghulna mutiara nu dibudidayakeun ti Jepang dina taun 1920-an jeung 1930-an. Transformasi ékonomi aya dina taun 1940-an, nyaéta dina wanci kapanggihna simpenan minyak bumi. Ayeuna, pamasukan utama Qatar nyaéta ti ékspor minyak jeung gas bumi. Simpenan minyak nagara ieu kira-kira 15 miliar barel 2.4 km³.

Pikeun sababaraha taun ka payun, Qatar kira-kira rék tetep fokus dina minyak jeung gas bumi, tapi geus mulai ngamekarkeun séktor swasta. Dina 2004, Taman Sains jeung Téhnologi Qatar dibuka pikeun menarik jeung ngalayanan rupa-rupa usaha nu basisna téhnologi, boh ti jero atawa luar Qatar.

Eujeung PDB per kapita nomor 2 pangluhurna di dunya jeung pakiraan taun 2008 kira-kira $111.000 nu nyieun manéhna Salaku nagara nu tarap hirup populasina bisa disaruakeun malah leuwih maju dibandingkeun nagara-nagara Éropa Kulon nu rupa-rupa layanan sosial jeung fasilitasna modérn.

                                     

3. Kagubernuran

Qatar dibagi kana 9 Kagubernuran muhafazah:

  • Ad Dawhah
  • Umm Salal
  • Al Khawr
  • Al Ghuwariyah
  • Madinat ash Shamal
  • Al Jumaliyah
  • Al Wakrah
  • Ar Rayyan
  • Jariyan al Batnah
                                     

4. Géografi

Dataran Qatar gedéna ngan 160 km jeung leuwih leutik ti nagara bagian Connecticut di Amérika Sarikat. Dataran Qatar diwangun ti sagara keusik. Tempat pangluhurna di Qatar nyaéta di Jabal Dukhan. Aréa ieu miboga jumlah gas alam nu gedé pisan.

                                     

5. Démografi

Kalobaannana populasi Qatar pangagem Islam. Salian étnik Arab, Qatar ogé diwangun ti laloba ékspatriat nu gawé di Qatar dina industri minyak. Kalobaannana ékspatriat asalna ti Asia Kidul, nyaéta wewengkon India, Pakistan, jeung Maladéwa. Kalobaannana Muslim di Qatar pangagem Islam Sunni, teras nu pangagem Syiah ngan 3 %. Pangagem Kristen kalobaannana asalna ti ékspatriat asal Éropa nu gawé di Qatar.

                                     

6. Hukum

Sanajan aya di wewengkon Arab, hukum di Qatar katempo leuwih bébas jeung liberal. Dina kapamingpinan Émir Qatar, Hamad bin Khalifa Al-Thani, Qatar ngalaman modérnisasi jeung liberalisasi. Misalna, alkohol diboléhkeun dina jumlah kabates hungkul.

                                     

7. Atikan

Dina sababaraha taun ieu, pamaréntah Qatar naro perhatosan nu gedé kana atikan. Pamaréntah Qatar geus ngawangun sakola ti tingkat taman kanak-kanak nepi ka univérsitas. Sababaraha univérsitas Amérika Sarikat geus muka cabangna di Qatar eujeung dukungan Qatar Foundation, di antarana nnyaéta Carnegie Mellon University, Géorgetown University School of Foreign Service, Texas A&M University, Virginia Commonwéalth University, jeung Cornell Universitys Weill Medical College. Émir Qatar, Shéikh Hamad bin Khalifa Al-Thani geus ngawangun Déwan Atikan Qatar dina taun 2002.

                                     

8. Komunikasi

Qatar miboga sistem komunikasi nu modérn di Doha. Sistem ieu ngagunakeun 2 Intelsat jeung 1 Arabsat. Pausahaan télékomunikasi resmi di Qatar nyaéta Qtel jeung Vodafone. Qtel ogé jadi ISP di Qatar nu dingaranan Internét Qatar. Statsion télévisi Al Jazeera asalna téh ti Qatar jeung didukung ku Émir Qatar.

Grand Prix balap motor Qatar 2017
                                               

Grand Prix balap motor Qatar 2017

Grand Prix balap motor Qatar 2017 mangrupa rintakan mimiti usum balap MotoGP 2017. Acara diayakeun di Sirkuit Internasional Losail di Doha tanggal 26 Maret 2017. Pikeun tilu kelas kasebut, grid panghareupna ditangtukeun ku waktu pangalusna tina salah sahiji ti tilu sési latihan bébas nu diayakeun, sanggeus bolay ku sabab hujan dina sési kualifikasi nu geus dirancanakeun.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →