Back

ⓘ Malati




Malati
                                     

ⓘ Malati

Malati mangrupa tutuwuhan nu dijadikeun pepelakan kembang hias nu tangkalna ajeg sarta hirup taunan. Di Indonésia, salah sahiji wanda malati dijadikeun perlambang Indonésia, nyaéta malati bodas alatan kembangna dikaitkeun jeung sagala rupa talari sélér-sélér bangsa di nagara urang. Wanda séjén anu ogé populér nyaéta gambir. Di Indonésia ngaran malati dipikawanoh ku balaréa di sakumna wewengkon Indonésia. Ngaran-ngaran wewengkon pikeun melati nyaéta Menuh, Meulu cut atawa Meulu China, Menyuru, Melur, Manduru, Mundu jeung Manyora, ogé Malete.

Di Italia, malati casablanca Jasminum officinalle, anu disebut Spanish Jasmine dipelak taun 1692 pikeun dijadikeun parfum. Taun 1665 di Inggris dibudidayakan malati bodas J. sambac anu diwanohkeun ku Duke Casimo de Medici. Dina taun 1919 ditimukeun malati J. parkeri di wewengkon India Kulon Laut, satuluyna dibudidayakan di Inggris dina taun 1923.

                                     

1. Rupa-rupa malati

Di antara 200 rupa malati anu geus diidéntifikasi kapanggih ku para ahli botani karék aya kira-kira 9 rupa malati anu ilahar dibudidayakan sarta aya 8 rupa malati anu poténsial pikeun dijadikeun pepelakan hias. lolobana wanda malati tumuwuh liar di leuweung-leuweung alatan tacan kasingkab poténsi ékonomi sarta sosialna. Tangkal malati kaasup sélér mamalatian atawa Oléacéae.

Wanda, variétas sarta ciri-ciri penting karakteristik tangkal malati nyaéta kieu:

  • Jasminum revolutum Sims. Malati Italia
  • Jasminum mensyi Jasminum primulinum, malati Primrose.
  • Jasminum simplicifolium. Malati hibrida. Kembang boga warna beureum ngora sarta seungit.
  • Jasminum multiflorum Andr.
  • Jasminum officinale malati casablanca, Spanish Jasmine sinonim jeung J. floribundum = Jasmine grandiflorum). luhurna bisa nepi ka 1.5 méter.
  • Jasminum parkeri Dunn. malati pot.
  • Jasminum sambac Cai malati bodas, Puspa bangsa
  • Jasminum rex - Malati Raja King Jasmine).

Sedengkeun wanda sarta variétas malati anu aya di Pulo Jawa ti antarana:

  • Jasminum multiflorum Star Jasmine
  • Jasminum sambac Malati Bodas, ti antarana: Maid of Orléans, Grand Duke of Tuscany, menur sarta Rose Pikeke
  • Jasminum officinale gambir.
                                     

2. Mangpaat

Kembang malati méré mangpaat minangka kembang tabur, bahan industri minyak seungit, kosmétika, parfum, farmasi, hiasan rarangkén kembang sarta bahan campuran atawa panyungit entéh.