Back

ⓘ Kérsen



Kérsen
                                     

ⓘ Kérsen

Kérsen Muntingia calabura nyaéta ngaran sarupaning tatangkalan sarta buahna anu leutik jeung amis. Di sawatara wewengkon, kawas di Jakarta, buah ieu ogé dingaranan céri pikeun buah séjénna nu ngaranna ceri, tempo dina: céri.

Ngaran-ngaran séjénna pikeun buah ieu di sawatara nagara nyaéta: datiles, aratiles, manzanitas Filipina, mât sâm Viétnam; khoom sômz, takhôb Laos; takhop farang Thailand; krâkhôb barang Kamboja; sarta kerukup siam Malaysia.

Kérsen ogé dipikawanoh minangka capulin blanco, cacaniqua, nigua, niguito basa Spanyol; Jamaican cherry, Panama berry, Singapore cherry Inggris sarta ngaran anu henteu méré nah, Japanse kers Walanda, anu tuluyna dicokot jadi kersen dina basa Indonésia. Ngaran ilmiahna kérsen nyaéta Muntingia calabura L.

                                     

1. Hasil, ékologi sarta sumebarna

Buah kérsen dipikaresep utamana ku barudak, manuk sarta cocodot. Barudak sakola mindeng naékkan tangkalna, ninggalkeun tapak mangrupa régang anu parotong sarta kulit tangkal anu terkelupas. Buah ieu ogé bisa dijadikeun selé. Di Méksiko, buah kérsen dijual di pasar.

Kai kérsen beyé sarta gampang garing, pohara kapaké pikeun suluh. Kulit kaina anu gampang dipesék dipaké jadi bahan tali sarta lawon pamuntel. Daunna bisa dijadikeun sarupaning entéh.

Manuk-manuk nu ngahakan buah, kawas kumpulan merbah jeung manuk cabé, mindeng ngadatangan tangkal ieu dina wanci beurang pikeun ngadahar buah atawa sari buahna anu amis. Dina waktu poék, giliran rupa-rupa kalaong buah anu datang kalayan tujuan anu sarua. Siki kérsen henteu tercerna ku manuk sarta cocodot, alatan éta dua golongan sato ieu sakaligus boga guna jadi penyebar siki kérsen.

Tangkal kérsen hususna kapaké pikeun tangkal pangiuh di sisi jalan. Tangkal nu leutik ieu mimitina mindeng tumuwuh jadi patétan liar di sisi jalan, kamalir, atawa mecenghul di tengah beulahan témbok lanté atawa pager, sarta tungtungna tumuwuh kalawan gancang. Ku sabab éta pisan tangkal kérsen sakapeung kapanggih di wewengkon pakotaan anu ramé sarta padet, di sisi trotoar sarta lahan parkir, di sisi walungan anu henteu kaurus atawa di tempat-tempat anu biasana garing dina waktu nu lila.

Alatan sipat-sipat sarta daya tahanana éta, kérsen jadi salah sahiji tutuwuhan panaratas anu pangréana kapanggih di wewengkon padumukan manusa di wewengkon tropis. Asalna ti Amérika tropis, kérsen dibawa asup ka Filipina dina ahir abad-19, sarta tuluy kalawan gancang nyebar di sakumna wewengkon tropis Asia Tenggara.

                                     

2. Bahan bacaan

  • Verheij, E.W.M. sarta R.E. Coronel eds. 1997. Asal Daya Nabati Asia Tenggara 2: Buah-buahan anu bisa dimakan. PROSéa – Gramedia. Jakarta. ISBN 979-511-672-2.
  • Steenis, CGGJ van. 1981. Flora, pikeun sakola di Indonésia. Pradnya Paramita, Jakarta.
                                     

3. Tumbu ka luar

  • en USDA Plants Profile: Muntingia calabura
  • en Aratiles
  • en Germplasm Resources Information Network: Muntingia calabura
  • en Jamaican Cherry Tree
  • en Pacific Island Ecosystems: Muntingia calabura
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →