Back

ⓘ Walungan Citanduy




Walungan Citanduy
                                     

ⓘ Walungan Citanduy

Walungan Citanduy nyaéta hiji walungan anu aya di pulo Jawa, Indonésia. Pas dék ka muhara, ieu walungan jadi wates antara Propinsi Jawa Kulon jeung Propinsi Jawa Tengah. Ieu walungan aya di 270 km beulah kidul-wétaneun Jakarta, sarta jadi batas pikeun tilu kabupatén, nyaéta Kabupatén Ciamis, Kabupatén Tasikmalaya, sarta Kabupatén Cilacap. Sawaréh walungan ieu jadi wates wewengkon alami antara Jawa Kulon jeung Jawa Tengah. Sirah caina aya di antara Gunung Sawal sarta kompléks Gunung Galunggung, Gunung Talaga Bodas, Gunung Cakrabuana jeung Gunung Sadakeling. Muarana aya di deukeut kota Cilacap ka Samudra Hindia ngabentuk hiji délta anu disebut "Muara Citanduy."

                                     

1. Titinggal sajarah

Di deukeut walungan Citanduy di sabudeureun aréal pangwangunan Bendungan Leuwikeris di daérah Kaluruhan Benteng, Kacamatan Ciamis, Kabupatén Ciamis kapanggih hiji batu anu mirip jeung tapak suku jelema. Diduga éta batu aya patalina jeung titinggal karajaan Bojong Galuh nepi ka karajaan Galuh di jaman kuna anu ngadeg sapanjang ieu walungan.

Hiji tank baja titinggal tentara Walanda kapanggih kakubur keusik salila 70 taun di Walungan Citanduy, pasna di Lingkungan Parungsari, Kalurahan/Kacamatan Purwaharja, Kota Banjar, katingali nalika cai walungan eukeur surut. Diduga kandaraan tempur ieu kajebak dina pertempuran nalika rék ka Yogyakarta waktu perang kemerdékaan 1945-1949. Di taun 2012, aya tarékah pikeun ngangkat tank éta tina jero keusik jeung tumpukann batu, tapi gagal ku lantaran hujan gedé anu matak cai Citanduy naék deui.

                                     
  • aya di Imbanagara. Ki Pawindan sareng garwana linggih di sisieun walungan Citanduy Dina mangsa Karajaan Mataram ngarurug ka Galuh, nya Ki Pawindan pisan
  • Propinsi Jawa Kulon, Indonésia. Kulon kacamatan Sindang Kasih, wetan kacamatan Ciamis, kidul Walungan Citanduy kaler Gunung Sawal, kacamatan Sadanya.
  • Cikuluwung Cimandiri Cimantiung Cimanuk Cinangnéng Cipélés Cisanggarung Citanduy Citarik Citarum Ciujung Purabakti Bengawan Solo Bodri Bogowonto Comal Klampis
  • Kacamatan Cisaga ngalur sababaraha walungan nu kawilang gedé, di antarana Citanduy Cijolang, Cimuntur, Cihonje. Walungan - walungan nu kawilang baradag ngalur
  • géografi pikeun nyebutkeun bagian ti Pulo Jawa di palebah kulon Walungan Cilosari sarta Citanduy anu lolobana dicicingan ku anu ngagunakeun basa Sunda minangka

Users also searched:

...